معركة العشر اعوام ...من منكم معي ؟

كشفت الازمة الاخيرة التي مرت بها البلاد منذ يوم السبت قبل الماضي عن فجوة عميقة في اداء ما يمكنني ان اصفه تجاوزا بالنخبة المدنية في مصر، فقد كانت المفاجأة هي ان الاسلاميين يريدون الصندوق و القوي التي تدعي طوال الوقت انها راعية الحرية ضد القوي الاسلامية كانت هي الاكثر فاشية و شعبوية

فشلت هذه النخبة لانها عند الاختبار الحقيقي لم تكن عند حسن ظن المواطن بل و اكدت له نظريته فيهم بانها نخبة انتهازية فاشية غير ديمقراطية

لقد كان اخطر ما في الامر هو ان هناك من يريد ان يفقد الناس الثقة في العملية الديمقراطية "بقصد او بدون" بحيث يعود المواطنين الي المطالبة بالديكتاتورية كرد فعل لتلك التصرفات

لقد اصبت بصدمة من تصرفات هذه النخبة و من اداءها في الاعلام و خصوصا ان اغلبها لم يكن في قطار يناير و تأييد الحركة في اولها فتصور انه يمكن ان يركب الحركة الثانية في نوفمبر

في حين بقي الاخوان علي موقف قوي متسق و كسب رأي المواطن

راجعوا بأنفسكم مشهد ميدان العباسية و هو يضرب صور الاعلاميين بالاحذية معبر جدا عن وعي المواطن العادي البسيط

مشهد اخر هو ان الناس مازالت تسأل حتي الان ..من ننتخب ..و هو فشل عظيم للنخبة و السياسسيين في الوصول للمواطن

لقد قادتني هذه المشاهد مجتمعة الي التفكير العميق في هذه النخبة الليبرالية و المدنية في مواجهة التنظيم القوي للاخوان المسلمين

في الحقيقة هذه القوي ليست اهلا للمسئولية او للمواجهة الحضارية مع الاخوان بخطاب عقلاني حقيقي يخاطب المواطن، بل هو فقط خطاب قائم علي نفي الاخر او في احسن الاحوال تصوير ان النجاح مرتبط بزجاجة زيت و كيس سكر و ليس في العيب البنيوي لتلك التنظيمات

لقد كانت قوة الاسلاميين الاساسية هي التنظيم و القدرة علي الحشد و هي ليست اختراع اخواني فالملعب مفتوح الان ولا عذر لأحد ، فكم حزب و هو يعمل في الانتخابات كانت عينه علي الاستفادة من الخبرة الانتخابية و تدريب و تربية كوادره استعداد للمجلس المحلي ..اتصور لا يوجد

انني اري معركة ال10 اعوام تبدأ من الان و حتي ظهور نتيجة انتخابات البرلمان بعد القادم ، هي معركة بناء دولة مدنية حقيقية

لقد خسرتوا هذه الانتخابات و لكن الخسارة يجب ان تكون بداية للنجاح

اذا كان هناك جيل يريد ان يكون في موقع المسئولية بعد 10 اعوام و اذا كنت تري في نفسك في القدرة او الرغبة للبدء في التعامل مع القوي الاسلامية فابدأ الان عملك السياسي و الاتصال بناخبيك المحتملين و خطتك و خطابك للوصول للناس.

لابد من قليل من النظريات و كثير من العمل في الشارع و الحركي وليس فقط التظاهر بل بناء علاقات و جماعات ضغط و مصالح و روابط حقيقية مع المواطنين و حتي لا يأتي يوم تجد المواطن يسأل ثانيا ..من ننتخب؟

لن يكون مقبولا بعد 10 اعوام من الان ان نقول حجة من نوعية ضعف التنظيم و قلة الخبرة

انني اعلن انني سأبدأ من الان معركتي للعشر سنوات القادمين من اجل مصر حرة ديمقراطية ليس فيها تياراو فكرة واحدة فقط بل معركة سياسية من اجل الوصول الي الصندوق يوما بقدرة تنظيمية حقيقية تواجه

تأملوا و احلموا بمصر لتكون وطن افضل نعيش فيه و لكن السياسة و الديمقراطية و الانتخابات لها ثمن علينا دفعه الان قبل ان نندم

تحياتي

محمود ابراهيم

عن عز السياسي ...أحدثكم

هذه التدوينة كتبتها منذ فترة طويلة و عدلت عليها كثيرا و لكني حرصت الان علي ان انشرها لاني لي موقف واضح من المهندس أحمد عز
هي غير مكتملة و لكني اردت فقط ان اسجل موقف مبدأي
هو الاعجاب و الاحترام حتي ولو الاختلاف
عن أحمد عز السياسي .... أحدثكم
فكرة هذه التدوينة جاءت بعد أحداث نجع حمادي و حينما ذهب المهندس أحمد عز الي هناك لتقديم واجب العزاء و رغم اعجابي بالتحرك لانه يدل علي ان هناك شخص في السلطة أصبح يدرك ان السياسة تحرك و ليست فقط أوراق للسياسات الا ان ما حدث عقب ذلك من القبض علي النشطاء الشباب المعارضين حينما ذهبوا للعزاء جعلني أصمت خجلا

التقيت السيد المهندس أحمد عز ثلاث مرات خلال حملة شارك في الأولي كان المتحدث فيها السيد جمال مبارك و الثانية كانت في اليوم التالي و كان هو المتحدث في اللقاء و تحدث ما يقرب من الساعة ثم غادر سريعا ليلحق بانتخابات الوحدة الحزبية في الوادي الجديد بعد أحاديث جانبية سريعة معنا علي وعد بأفطار رمضاني في الهيلتون بناء علي طلبي كمساواة بيننا و بين أعضاء مجلس الشعب و لكن لم يتحقق الوعد اعتقد لظروف العمل و الارتبطاتو الثالثة كانت خلال الانتخابات البرلمانية الاخيرة
وفي لقاءنا الثالث يوم انتخابات الاعادة اخبرته انني اريد كتابة تدوينة عن غرفة عمليات الحزب الوطني و الممنوع دخولها لغير العاملين بها فقال لي بأدب شديد و تواضع جم ولماذا لم تخبرني من قبل ذلك ..هي ليست ممنوعة عن احد ولكن فقط لاعتبارات النظام و عدم تعطيل العاملين و لكنها مفتوحة
الرجل ذكي و نشيط و لكنه غير قادر علي استيعاب اراء المعارضة و ما يبدو بها من بعض الوجاهة احيانا كما انه يتعامل احيانا بمنطق ليس رجل الحزب و الفرق كبير

علي أي الاحوال أود ان أسجل بعض الملاحظات الأولية عنه:

الملاحظة الاولي:
الصورة الشائعة عن الرجل انه "حرامي" او في أفضل الاحوال " محتكر الحديد" في مصر و في الحقيقة أنا لست في مجال الدفاع عن الرجل و لكن بسؤال العاملين في مجال الحديد او القريب منه عن احتكاره كان الرد انه يسيطر علي قطاع كبير من السوق و لكن الاهم ان المنافسين له حديدهم اقل جودة من حديد شركات عز و بالتالي هو يبيع اغلي منهم ليس من باب الاحتكار و لكن لانه يحافظ علي جودة معينة و من وجهة نظري ان مهما كان هامش الربح الذي يحققه فأنه لا يعد مستغل طالما البديل متاح حتي لو كان أقل كفاءة فعلي البديل ان يحسن من كفاءته اذا اراد يسحب البساط و سأحاول اذا اتاحت الظروف ان أبحث في هذا الامر بشكل أعمق مع بعض خبراء الحديد الذي تربطني بهم علاقة جيدة و يعتبروا محايدين
ووفقا لذاكرتي الرجل ايضا صاحب مصانع سيراميك الجوهرة و من يذكر إعلانات يسرا عن بورسلين الجوهرة كانت قبل ربما ان يصبح عضو في البرلمان او حتي ربما قبل ان يقابل جمال مبارك بحوالي 5 سنين علي أقل تقدير و بالتالي الرجل في الأساس رجل أعمال ناجح قبل ان يدخل عالم السياسة و هو ما سيأتي ذكره بتفاصيل عند الحديث عن أداءه السياسي
في هذا السياق أيضا و في ظل العولمة و الأسواق المفتوحة أي سياسة احتكارية او اغراقية ستقابل بحزم من الدول الاوروبية و من كل الكيانات الاقتصادية و هذه الدول و الكيانات ليست من املاك الحزب الوطني

كما ان الرئيس و اركان النظام و الدولة ليسوا بهذه السذاجة التي تجعل من رجل واحد كل هذه القوة الاسطورية

ربما أكون علي خطأ فيما يخص هذه النقطة و لكن كي أقتنع اني علي خطأ احتاج الي تقارير و ارقام و حقائق من مصادر متعددة و ليس حديث الصحف و كلام المتسلقين و المبتزين و بائعي الوهم في زجاج الكازوزة.
كما اني اشتم رائحة حقد علي رجل غني يملك المال و تأتي اليه السلطة و في مصر الاثنين لا يجتمعان لرجل محترم

الملاحظة الثانية :
لمن لا يعلم الرجل عضو مجلس الشعب بأعلي اصوات حصل عليها مرشح في انتخابات 2005 علي مستوي الجمهورية....اعلم ان ما يدور في ذهنك الان هو ان المال و النفوذ و التزوير
ولكن للأسف سأخيب ظنك يا عزيزي بمجموعة من الحقائق
هل تعلم من كان ضمن المرشحين ضد المهندس أحمد عز في دائرته ؟؟؟؟
بالطبع لا تعلم
المهندس ابراهيم كامل
و هو عضو أمانة عامة للحزب الوطني بقرار من الرئيس و هو أحد اهم رجال الصناعة في مصر و ربما يكون أغني من أحمد عز كما ان له نفوذ داخل الجيش لانه الذراع المدنية للجيش و يكفي ان الرئيس مبارك كان يسأله هل بدأ في تصنيع الطائرات ال اف 16 فرد انه فقط يقوم بعمل الصيانة في مصانعه و لم يصل الي مرحلة التصنيع و هو ايضا صاحب أسهم حوالي 5% في أكبر شركة تورد أسلحة لاسرائيل و الحديث عن نفوذه و علاقته بالمخابرات و الدولة سابق كثيرا للحديث عن المهندس عز بسنوات كثيرة
و هذا الرجل محترم جدا و ان كانت المعركة مال فهو لها و ان كانت نفوذ و قوة فهو لها ايضا و هو يملك مصانع و عاملين مثل عز تماما و هو ليس اطلاقا بالشخص الضعيف الذي يمكن تحريكه او الضغط عليه بأي شكل و قد فاز عليه عز رغم ان كامل يملك الطعن لو أراد علي الانتخابات و لن يقول له أحد شيئا.
و بالتالي فالسيد أحمد عز نائب و قوي جدا و له شعبية اتصور انها حقيقية لا يمكن الطعن فيها من الجالسين أمام شاشات الكمبيوتر في القاهرة.

هاتان الملاحظتان أدرت ان أسجلهم قبل ابدأ في تحليل الاداء السياسي للرجل

الاداء السياسي :
المهندس احمد عز دخل عالم السياسة من بوابة الاقتصاد و هو أمر ليس بغريب و لا جديد فالسياسة أساسا هي تعبير عن مصالح و من حق أي شخص أي يدخل الي عالم السياسة ليدافع عن مصالحه و مصالح الفئة التي ينتمي اليها و ان كان هذا يعكس من وجهة نظري ضعف طبقة السياسيين و فشلهم في أن يعبروا عن مصالح جموع المواطنين و لكن لهذا حديث أخر

و لكن هناك التباس بين دور الرجل السياسي و مصالحه الخاصة و خصوصا فيما يتعلق بالاحتكار و لان تهمة الاحتكار غير ثابتة من الأساس كما سبق أن أسلفنا فشبهة تعارض المصالح أيضا غير ثابتة و لكن في تصوري انه كان يحتاج الي ادارة معركة قانون الاحتكار بكثير من الحرص و بشكل أكثر حنكة حتى يظهر في الصورة بشكل السياسي الذي يدافع عن سياسة و ليس شكل المحتكر الذي يدافع عن الاحتكار.

الرجل ورث تركة برلمانية و حزبية ثقيلة من سلفه كمال الشاذلي و الذي كان سياسي لا يشق له غبار حتي لو اختلف الكثير حوله الا ان للرجل و خبرته و حنكته ثقل كبير و لكن التطور و طبيعة الاشياء جعلت دور السيد الشاذلي و نفوذه تراجع لصالح أحمد عز
ولا يمكن اغفال ان جزء من قوة عز و نفوذه هو علاقته القوية بجمال مبارك والذي كان كل المنافقين يرونه سيكون وريثا و يدفعون في هذا الاتجاه و بالتالي كل فرقته هي رجال العصر القادم
الشئ الاخر و الهام بالنسبة لي انني ارصد حملة منظمة لا استطيع ان اعرف من يقف ورائها لتشويه صورة الرجل
فحينما يرسل الرجل ملف من الف ورقة الي 3000 شخصية عامة و كل الصحفيين في مصر و يظهر فيه صحة موقفه ولا يتم نشر أي شئ عنه ضمن حملة التضليل فاني اشك ان في الامر شئ غير مفهوم

الامن و أحمد عز:
يتصور البعض ان أحمد عز يرفع سماعة التليفون ليعطي اوامره لرجال و ضباط الشرطة لصالح اعضاء الحزب الوطني
الرجل يعمل من خلال فريق من مساعديه الاكفاء و شخص مكلف لكل محافظة ضمن مؤسسة تنظيمية قوية جدا و داخل العمل الحزبي لا يوجد أي مؤشرات تقول ان هذا يحدث
الاكيد ان بعض النواب يعتمدون بشكل فردي علي علاقتهم بالامن او نفوذهم الذي بنوه علي فترات طويلة
اما فكرة ان احمد عز يدير الانتخابات بالتنسيق الكامل مع العادلي و الامن فكرة غيرة حقيقية و غير صحيحة بالمرة
بل ربما لن يصدقني احدا انني شاهدت في مواقف عديدة ذهول من قيادات الحزب من تصرفات تصدر عن الامن تخالف الاتجاه العام للدولة و الحزب و بدون أي معرفة منهم لتلك الترتيبات
الاعلام و أحمد عز :

في أحد الافلام الشهيرة للنجم مايكل دوجلاس و كان يلعب دور الرئيس الامريكي قال له أحد أخلص مستشاريه " ان الصحافة شريك و لكنه غير ذكي للرجل السياسي"
و قد أختار السيد أحمد عز العداء مع الصحافة و خصوصا التي لا تبشر بانجازات الحزب او تنظر الي نصف الكوب الفارغ وفقا لوصفه اياها
و تصوري الأولي ان هنا تكمن قلة خبرة السيد عز السياسية فهو فالسياسي عليه ان يتعامل مع الصحافة كشريك غبي ولكن الا يعاديها
و في الحقيقة ان السيد المهندس أحمد عز له عداء و كراهية داخل مؤسسات الاعلام فالصحف القومية التي وصفها هو في لقاءه مع اعضاء الروتاري بأن لها مصداقية فاقدة تماما لأي مصداقية و هي تدافع عنه
و هنا تبدو معضلة الرجل فهو رجل أعمال و ذكي و لكنه للأسف يعتمد علي صحف و مؤسسات انتهت صلاحيتها و تعمل وفقا لدولة التعبئة و الحشد و هي مؤسسات مهنرئة فشلت في الدفاع عن مصر و عن سياستها في أي مجال فما بالنا ان تدافع عن رجل واحد

الامر الثاني المرتبط بعلاقة السيد عز بالاعلام هو سياسات الحزب الوطني فلدي الاخير سياسات جيدة و لكن فاشلون في تسويقها للناس
حاول عز الاستعانة بشركات للتسويق من الخارج و لكن تبقي تلك الشركات تمنح الطرق و الادوات و لكن الحس السياسي هو الاساس و من يعملون مع عز هم موظفون حتي لو كانوا خريجين كلية سياسة و اقتصاد و لكن سيبقي تسويق السياسات مهمة السياسيين
اتصور ان عز بخبرته و عمله السياسي سيمر بمنعطف خطير بعد وفاة مبارك و لانني اري ان جمال لن يكون الرئيس ولكن اذا عبر هذا المنعطف بذكاء و حنكة فسيكون يوما هو رئيس وزراء مصر القادم لانه مؤهل لذلك بحكم خبرته كرئيس للجنة الخطة و الموازنة بمجلس الشعب و كأمين تنظيم الحزب

افتراءت ناجحة علي الحزب الوطني

أقف كثيرا متعجبا من الافتراءات التي تقع علي الحزب الوطني و التي يبدو بعضها ذو وجاهة ما الا ان الكثير منها و الاكثر ذيوعا و انتشارا يخرج كثيرا عن الموضوعية بل و احيانا العقلانية
زادت تلك الافتراءات بعد الانتخابات الاخيرة و بمناسبة مؤتمر الحزب السنوي فأنني وجدت انها مناسبة لدرء الافتراءات

حكومة الحزب الوطني
سعت الانطلاقة الجديدة للحزب في عام 2002 و التي حملت عنوان شهير هو "فكر جديد " الي ترسيخ مفهوم حكومة الحزب بديلا عن حزب الحكومة
الغرض واضح جدا و هو الانتقال الي الممارسة السياسية الصحيحة بأن يقر الحزب السياسات و ان تتولي الحكومة التنفيذ و يتابع الحزب التنفيذ و مدي نجاح تلك السياسات بالتنسيق مع الحكومة
للاسف الشديد يحمل البعض الحزب أكثر مما يحتمل في هذه النقطة تحديدا و تحول هذا الشعار سيف علي رقبة الحزب
فالحزب مسئول عن وضع السياسات و متابعة تنفيذها و لكن وزراء الحكومة ليس لهم دفتر حضور و انصراف صباحي في الحزب كما يحاول البعض ان يصور ان عملهم هو ارضاء الحزب و أعضاءه فقط
ستجد أي قرار ولو اداري صغير بنقل موظف مهمل او حتي رئيس هيئة او مصلحة او تنفيذ او تنظيم مرفق ما يتم نسبه فورا الي الحزب كله و الي أمانة السياسات "تأسست أمانة السياسات ضمن الهدف السالف ذكره في التحول نحو اقرار سياسات من الحزب"
المثير في الامر ان أي موظف او مسئول يتم نقله او انهاء خدمته يخرج ليقول انه علي خلاف مع امانة السياسات و الحزب و ان رجل وطني عظيم و الاكثر اثارة هو ان هذا القول يمنح صاحبه بطولة مجانية و مساحة في صحف تتصيد كل شئ في اطار التشويش علي أي جهد حقيقي من اجل مصر.
الحزب الوطني نشأ في السلطة / الحزب يعتمد علي البيروقراطية و موظفي الدولة
نفر من أساتذة العلوم السياسية والذين يحتلون الواجهات في الفضائيات و برامج التوك شو الليلية و لهم مقالات أسبوعية و شبه يومية في بعض الصحف بل و بعضهم أعضاء في حركات معارضة
ستجدهم يتبنون دائما و يرددون تلك المقولة السخيفة عن نشأة الحزب في رحم السلطة
حيث يتم نزع و مسح كل التطور الذي لحق بالحزب و الجهد التنظيمي و التحول و التغير النوعي و الكمي و الكيفي في نوعية العضوية وثقافتهم و درجاتهم العلمية
وبغض النظر عن ان هذا يعبر عن فشل تحليلي عظيم لهؤلاء الاساتذة و عدم مواكبة للتطورات فاغلبية اعضاء الحزب الان في كل المستويات التنظيمية ليس لهم ارتباط هيكلي بالدولة كما يدعون دائما او يتغاضون عن هذا غالبا بل ينكرون ان الحزب خرج من رحم السلطة من زمن بعيد و انه يمر بمرحلة نضوج سياسي حقيقي .
حزب رجال الاعمال
نفس المحللين السابقين في تناقض واضح بعد ان يأكدوا علي انه حزب نشأ في رحم السلطة و بعد ان يستعرض واحد منهم عبقريته التحليلية العظيمة و يقول انه لن يعترف بالحزب الوطني كحزب بعيدا عن الدولة الا عندما يراه في المعارضة
بعد هذا في نفس الجملة يقول الرجل ببلاهة سياسية عظيمة تناقض نفسه يقول ان الحزب الوطني هو حزب رجال الاعمال
ولأنني لا اعرف ان رجال الاعمال موظفين في الدولة فأن الرد سيكون بالرجوع الي النقطة السابقة والرد عليها
و اعرفوا نوعية الاعضاء في الحزب الوطني يا سادة قبل ان تحكموا عليه
شباب الحزب الوطني مرتزقة يأخذون مرتبات أو ينضمون للحزب من أجل البحث عن فرصة عمل
هذه واحدة من أكثر الافتراءات التي تثير غيظي في الحقيقة
فلكي تريح نفسك من الجهد في البحث عن مفتاح نجاح الحزب الوطني فان اسهل شئ هو ان ترميه بأكاذيب و تستغل بعض الحوادث الصغيرة ولكي توظفها في تشويه صورة تنظيم حزبي قوي كالحزب الوطني
و طالما الحزب الوطني فيه رجال اعمال و بيروقراطية عظيمة في وقت واحد فأن هؤلاء يصرفون اموالهم بالضرورة لشراء الشباب
و لا مانع ابدا من اتهامي ان هذه التدوينة مدفوعة الاجر كي اضع نفسي في موقف دفاعي عن مبادئي و ما اؤمن به و تضيع وجهة النظر "راجعو اخر جملة في فقرة حزب الحكومة "
الحزب الوطني و مرشح الرئاسة
ما من جلسة تضم معارضين او مستقلين او أي حديث سياسي علي أي فضائية الا و يتم ببلاهة شديدة طرح سؤال ..من مرشح الحزب للرئاسة ؟ و بعد الغمز و اللمز عن ما يطلقون عليه التوريث يظل السؤال معلق ببلاهة
و الاجابة في المادة (32) من النظام الاساسي للحزب و الموجودة علي موقع الحزب هنا
ربما اعطي البعض العذر لانهم لم يشاهدوها تطبق و لكن خلال عدة شهور سترونه
المثير جدا هنا ان الحزب حدد الية اختيار مرشحه للرئاسة و لكن الجميع يصر دون دليل علي انه سيخالفها (هذا اذا كان يعرف بوجودها من اصله )
فمنذ اقرار لائحة النظام الاساسي للحزب لم يتم مخالفتها في أي وقت حتي الان و لكن ماذا اقول ؟
الحزب يقدم فزاعة اسمها جماعة الاخوان غير القانونية

انا افهم تماما ان تختلف مع الحزب الوطني بأي شكل و لكن التعامل مع الحزب بمنطق عدو عدوي هو صديقي و التضحية بمدنية مصر من أجل حفنة من المتاجرين بالدين هو ما لا أفهمه.
افهم و اعترض جدا ان الدولة (و ليس الحزب) تسمح احيانا ببعض التيارات او بعض القنوات و بظهور بعض الشيوخ لانها تقع في الصراع بين حرية الرأي و التعبير كحق للجميع في مجتمع محافظ و متدين بطبيعته و بين شيوخ يستغلون هذا المناخ في الظهور ثم الانقلاب عليه بفتاوي جديدة و مفاجئة و اراء لا انزل الله بها من سلطان
افهم ان يعترض البعض احيانا مع التعامل الامني مع الجماعة و ان يطالب بتعامل سياسي و ليس أمني كامل
و لكن ما لا افهمه ابدا هو محاولة اعطاء شرعية لجماعة الاخوان الغير قانونية نكاية في النظام و هدم اسس الدولة المدنية
بل و محاولة تصوير الامر علي انه معركة فقط بين الحزب و معارضيه و ان هذه المعركة ليس للاخرين فيها ناقة ولا جمل
في الامر شجون كثير و في الحديث كثير من التفاصيل ربما يحتاج الي تدوينة منفصلة و لكن فكروا فقط ان المعركة ضد التيارات الدينية هي معركة مصر القادمة و تذكروا اننا انهينا و قضينا علي الارهاب في العقد الفائت بتحالف من الكل و م نستمع وقتها لمن قال "سبب الارهاب هو الفقر" بل تكاتفنا و نجحنا
فهل نفعلها ثانيا.

البرادعي .....سياسة في بلد غاب عنها السياسيين

مساء الخير
بقالي كثير أوي مش كتبت حاجة لأن عندي ظروف منيلة بستين نيلة و مش في المووود خالص
بس يالا ان شاء الله خير
الله ما أجعله خير صحيت لقيت البلد مقلوبة علشان البرادعي جاي
المهم موضوع البرادعي ده سياسيا لطيف اوي اوي اوي .... و كمان أوي
خلينا أولا نبعد شوية عن حكاية رئاسة الجمهورية
مرشحين رئاسة الجمهورية رسميا مش هتكلم عنهم الا لما يتقفل باب الترشيح في 2011 و دي حقيقة كده بصفتي خبرة في الانتخابات
يعني مفيش مرشحين رسميين للانتخابات الا لما يتقفل باب الترشيح و طالما بتوع الحزب الوطني اللي بيظهروا في الفضائيات و مش عندهم غير كلمة واحدة .... الشرعية الدستورية و القانونية
يعني جميل جميل ...الشرعية الدستورية و القانونية بتقول بقي ان رئيس الجمهورية الحالي هو الرئيس مبارك و حتي غلق باب الترشيح في 2011
نيجي بقي للسياسة .... وطالما هنتكلم في السياسة يبقي بتوع الحزب الوطني اللي ارفوا امي في الفضائيات يطلعوا برة لانهم فعلا مش عارفين يتصرفوا
لايصين لوصة البلجيكي اللي راح السنغال
هما معذورين ....بيخاوفوا ..... و اللي يخاف ميلعبش و اللي يلعب ما يخافش ... و هنقول بقي علي تأثير الحكاية علي كل القوي السياسية في مصر
بس الاول نتكلم عن البرادعي نفسه
الراجل بصراحة محترم جدا و حاجة مشرفة ان مصر فيها ناس زي الراجل ده و له مطالب مشروعة و من حقه انه يناضل علشانها
و أكثر حاجة عجباني فيه انه هادي و واخد الامور ببساطة و مش بيتكلم عن أشخاص ...بيتكلم عن مطالب محددة و كمان عنده فكرة انه يلم الناس حواليه و دي حاجة مهمة أوي لان دي باختصار السياسة
يعني ببساطة الراجل داخل معركة اعتقد انه حتي الان هو ماشي فيها كويس و ان ادائه و مطالبه هايلين و بصراحة هو عامل زي المهندس اللي جه يوري السباكين انهم مش فاهمين أي حاجة في تركيب المواسير
بس خليني اقول ملاحظتين بقي
الاولي : ان النشطاء الموجودين جنب البرادعي و بيقابلوه نشطاء الانترنت و الفضائيات هما في الاخر لسه مش ليهم شعبية و لا قواعد كثير و في منهم لو فكر ينزل انتخابات حتي لو نظيفة مش ياخد غير صوته و بالتالي سيكون التحدي الاساسي للبرادعي هو الخروج من دائرة الجماعة دول و الاحتكاك بالناس بجد و توسيع قاعدته الشعبية الحقيقية
الثانية : ان اساسا الناس دي اللي حواليه برضه هما مطاريد الاحزاب و الناس اللي ضد النظام كله علي طول الخط و دول فيهم عيب سياسي خطير و ناسف وهو انهم مش بيرضوا باي صيغ توافقية و عندهم قناعة ( انا مش عارف جابوها منين ) انهم مبعوثي الديمقراطية و تخليص الشعب من الظلم و القهر و ده يعني بصراحة حاجة كده تخليهم برضه ناس فكسانة
و انا هنا بتكلم عن كل الجوقة اللي جنبه مش عنه ....الراجل كويس و بيسمع و كلامه كويس و عاقل حتي الان ..
المعارضة الرسمية
و دول بقي سياسيين لطاف ودول أكثر ناس هتستفيد من اللي هيحصل
لان لو البرادعي نجح في أي مطالب هما قوي شرعية و أقوي منه بالخبرة و الشرعية و يقدروا يأخدوا مكاسب كويسة ولو البرادعي فشل فهما كده كده باعوه و هياخدوا برضه صفقة حلوة مع الحكومة ...هتفضل مشكلة الانفصاليين من الاحزاب دي و هي هتبقي خسارتهم الوحيدة و اعتقد اكثر حزب معرض للانقسام حول القضية دي ممكن يكون الوفد لو التسريبات المنشورة صحيحة
رفعت السعيد كمان رسميا مش ممكن يكون عاقل
هو ساب كل الكلام و اللي بيحصل و متضايق ان ضمن وفد زيارة بيت البرادعي كان الكتاتني و اعتبر ان ده رهان علي التيار الاسلامي و تقريبا لو قالوا للتعيس ده ان في زلازل حصل في اليابان هيقولهم بسبب دعوات الاخوان المسلمين ..... يالا زمن .......ولا بلاش
الحزب الوطني (نجوم الفضائيات)
مجدي الدقاق و من لف لفه
دول بقي يا عيني صعبانين عليا اوي مجدي الدقاق بيتكلم عن الاستقرار و الفوضي اللي ممكن تخلقها مثل هذه الحركات اراهن انه لو جبنا حديث ليه من 2005 مثلا و ركبناه علي النهاردة هتلاقيه بيقول نفس الكلام
بجد يعني جددوا ......اتعلموا حاجة جديدة تقولها و مش تستنوا الرئيس يقول او يعمل حاجة علشان تطبلوا ....شغلوا مخكم (لو فيه) و حاولوا تتطلعوا بأي افكار .....اقرأوا التاريخ و اتعلموا أي حاجة ...فضحوتنا و خليتوا الصيع برة قبل جوة يضحكوا علينا
أحلي حاجة في الحكاية بقي
ان كل بتوع الحزب الوطني يقولوا ايه
بسم الله الرحمن الرحيم – مع احترامنا لشخص البرادعي الا انه .........الخ
و ده في حد ذاته تقدم مذهل في شخصيتهم انهم عرفوا ان في حد محترم
الناس في الشارع
مالهمش دعوة حتي الان بكل اللي بيحصل و عجنة المطرة كفاية عليهم
علي السريع ولو مش تبع الموضوع :
وائل عباس صادروا منه الدي فيديهات اللي فيها افلام جابها معاه من برة ......نفسي اعرف مين اللي مسئول عن الملفات دي في الامن.
فاطمة : مدونة انا مش اعرفها بس مديرها فصلها من الشغل علشان كتبت تدوينة عن البرادعي ..... و واضح انها بنت ناس و محترمة لانها فعلا مش رضيت حتي تقول اسمه او اسم الشركة و ان كان برضه ده حقها و عموما أكيد هما اللي خسروا مش انتي
محافظ القاهرة : مشغول في معركته مع السلاب بدل ما يشوف خيبته القوية في الامطار اللي ساعتين منها بيخلوا القاهرة زي ما تكون ترعة ...بلد موظفين صحيح ....لا و اغبياء
انتظروا مقالتي في مجلة احنا كل شهر من الان بقي
تحياتي

ما بعد الرئيس مبارك

حكاية رئاسة الجمهورية اللي جننت الناس خلاص خلتني قعدت أفكر – مش اني ابقي رئيس طبعا – و لكن مين الرئيس ؟؟
هو ده السؤال اللي محتاج اجابة و اللي انا وصلت للسيناريو ده و في لحظة تجلي و تنظير مع صديقي أحمد سميح وصلنا ان غالبا ده اللي هيحصل
و خلينا كده نحط شوية حاجات ادام عيننا
الاول : الرئيس مبارك واضح تماما انه مش ناوي يتخلي عن الرئاسة لان اللي حواليه فهموه ان الشعب عايزه طول ما هو عايش ..يعني فكرة انه يتنحي دي او يعمل انتقال سلطة او اي كلام ده هي فكرة خزعبلاية تماما حتي و لو كان لجمال ابنه.
الثانية : ان في الحقيقة انا مش شايف – يمكن ضعف نظر عندي – اي اتجاه رسمي مباشر لدعم جمال مبارك و لكن اللي حاصل مجموعه من الشباب اللي معجب بيه –عادي- و مجموعة من الصحفيين و مطبلي السلطة و الموظفين اللي بينافقوا السلطة و اصدقائها و ابن الرئيس بقي له واجب حتي لو وصلت انه يبقي الرئيس.
نرجع للموضوع
الرئيس مش هيسيب الحكم الا بناء علي رغبة عليا من ربنا
و ساعتها هيقف الناس اللي هقولهم دول يتكلموا و يتفقوا :
فتحي سرور : رئيس مجلس الشعب
صفوت الشريف : رئيس مجلس الشوري و أمين عام الحزب الوطني
أحمد نظيف : رئيس مجلس الوزراء
زكريا عزمي : رئيس ديوان رئيس الجمهورية
جمال مبارك : نجل الرئيس و أمين السياسات في الحزب الوطني
المشير حسين طنطاوي : وزير الدفاع
اللواء عمر سليمان : رئيس جهاز المخابرات
بس خلاص
ناس هتقول حبيب العادلي فين و ناس هتقول فين رئيس اركان الجيش سامي عنان و مع كامل احترامي للكل هؤلاء ادوات قوية و ليسوا قوة في حد ذاتها
نيجي بقي للي هيحصل
أول حاجة هيتفقوا عليها هي الاجراءات العادية في اذاعة الخبر و مراجعة بعض القواعد الامنية الروتينية .
الجماعة دول لازم يخرجوا و هما متفقين بينهم علي اسم المرشح القادم للرئاسة
جمال مبارك أول واحد هيتباع في الليلة دي
قولوا ليه ؟؟؟
صفوت الشريف و فتحي سرور و ربما نظيف يدركون تماما ان جمال مبارك ان اصبح رئيس معناها انهم هيروحوا يقعدوا في البيت و يمكن يحب يعمل تطهير بقي و يقدمهم- أقصد الشريف و سرور - فدية وعربون محبة للشعب و يجيب رجاله من جهابذة السياسات
يعني هيبقي الاثنين دول عندهم اي حد الا جمال و خصوصا انه فقد قوته و ظهره اللي حاميه من ضرباتهم
المهم نبيع جمال مبارك علشان مين ؟؟؟
بصوا كده في القعدة هتلاقوا نظيف ينفع
ماله ؟؟؟ هادي و حلو و الامريكان بيحبوه و بتاع التكنولجيا و نقدر نقوله احنا حاميينك في المجلس و الحزب و هو راجل طيب و لا عمره كان عضو في حزب و لا يعرف المجلس ده كان فين لحد ما دخل الوزارة
الجيش بقي
اللواء عمر سليمان وفقا للمؤشرات العامة ليس علي وفاق مع السيد جمال مبارك دليلي :
الاول: حينما قال الرئيس مبارك ان فكرة الانتخابات الرئاسية التعددية كانت مرفوضة داخل الجيش
الثاني : خلال عزاء نجل شقيق السيد جمال مبارك كان السلام بينهما باردا جدا و اوضح مساحة كبيرة من الخلاف يمكن مشاهدتها في الفيديو الخاص بجنازة نجل السيد علاء مبارك
الثالث : ان المؤسسة العسكرية في مصر مازالت تنظر الي ما يقوم به السيد جمال مبارك بكثير من الريبة و الحذر وفقا للنظريات القديمة في الامن والاستقرار و ضيقهم الشديد بأفكار رجال الاعمال ....راجعوا كيف تم السماح بخدمة GPS
و بالتالي الاستقرار الذي ستبحث عنه المؤسسة العسكرية سيكون غالبا ضد جمال مبارك وخصوصا انه بالنسبة لهم ليس لديه قوة تحميه
وأما سؤال لماذا لا يرشح السيد عمر سليمان نفسه ؟؟
اعتقد ان السيد عمر سليمان لا يريد ترشيح نفسه لاسباب كثيرة منها ان طبيعة الدور الذي لعبه هو دور المستشار المخلص و الامين و الحامي لاستقرار مصر و هو ما يريد ان يظل فيه دائما اي ما كان الشخص الموجود والذي لا يجب ان يكون من دور أولاده كما ان لو كان لديه النية لكان ظهر و عرفته الناس حتي يبدأ في اكتساب شعبية ولو محدودة

هنا ستلتقي المصالح ضد جمال مبارك الاستقرار و الامن القومي بالمفهوم التقليدي مع الحرس القديم من اصحاب ايضا المدارس القديمة في السياسة و النتيجة معروفة
سيبقي فقط السيد زكريا عزمي و الذي اتصور انه سيحاول ان يكون علي الحياد في انتظار اللحظة المناسبة ليعلن المركب التي سيركبها و التي بالتأكيد ستنطلق نحو الرئاسة و ان كان هو الوحيد الذي يبدو خاسرا من عدم وجود جمال في الحكم لان وجود اي رئيس اخر ربما يطيح به هو فقط خارج ديوان الرئاسة
اذن المعادلة هي نظيف – أو اي رئيس وزراء موجود – ليس حبا في شخصه و لكن كرها في جمال مبارك و الذي اصبح بلا قوة حقيقية تحميه
و النتيجة محسومة
و أتوقع ان يحدث الاتي في مرحلة ما بعد اعلان تلك الترتيبات:
سيناريو الفوضي الاول :
فوضي عادية من بعض الجياع و الحاقدين و ستكون في بعض المناطق المحدودة و التي ليست تحت السيطرة المباشرة للامن مثل المناطق النائية الغنية و ستقل تلك الفوضي بشكل سريع و ستبدأ من 15 % الي 10% و تقل خلال يومين الي اسبوع علي الاكثر بعد استقرار الامور و لن يصاحبها تأثيرات سياسية و ربما يصاحبها خروج لحركات المعارضة الضعيفة مثل كفاية او بعض الشباب العبيط بتوع الانترنت
سيناريو الفوضي الثاني
و هو خروج الاخوان بالاساس او خروج قوي معارضة حقيقية متحالفة و هو ما سيمثل مرحلة فوضي من 20% الي 40% و اكثر من ذلك سيكون سيتدخل الجيش اذا وصلت الامور لهذا الحد
و استبعد ان يتم هذا السيناريو حيث ان مطلب القوي جميعا هو الا يأتي جمال مبارك ..اما غيره فيمكن الاتفاق معه او علي الاقل ستعتبر تلك القوي ان نجاحها في عدم ترشيح جمال مبارك
عوامل اخري مؤثرة :
عمرو موسي : مجرد نزول عمرو موسي من مكتبه و وقوفه أمام قناة الجزيرة ليعلن انه مرشح رئاسة سيجعله كذلك و ستظهر رغبة كبيرة من الناس في ان يكون مرشح
البرادعي : ينطبق عليه نفس القول و ان كنت اتصور انه سيحدث وفاق بينهم بحيث يتحدوا و ستقف ورائهم قوي المعارضة التقليدية من الوفد و الجبهة او دعاة التغيير من عواجيز السياسية مثل الدكتور يحيي الجمل و الناس بتوع الفضائيات و مطالب دستور جديد و الكلام الفشنك
اتصور ان هذا هو السيناريو و لا يمكنني التنبؤ بمن سينجح بين نظيف و البرادعي مثلا لان مرشح الحزب الوطني يستند الي قوة مستفيدة جدا من الاستقرار و الوضع الحالي و الي قوة الحزب بينما سيكون الثاني مستند الي شرعية الرغبة الحقيقية في التغيير والتي كلما صدقت سيكون التغيير قادم قوي
دعابة : بعد كل ده نتيجة الانتخابات هتتزور و تطلع لصالح السيد جمال مبارك و يبقي هو الرئيس برضه و كل سنة و انتوا طيبين لأن في ناس مقتنعة تماما انه الرئيس تماما في حين ان الامر كله في علم الغيب و الله أعلم

بسرعة : صديقي أحمد سميح منذ انشاء الفيس بوك عمل جروب اسمه هتعمل ايه لما تعرف ان الرئيس مبارك مات

جائزة لأوباما و الانسانية

ربما الصدفة البحتة هي التي جعلتني أفضل الجلوس في المنزل ليلة الخميس 8-10 عن النزول الي اللقاء الاسبوعي المعتاد للأصدقاء و في اصرار لم أعهده منذ زمن في نفسي فيما يخص القراءة قررت الانتهاء من كتاب اوباما " أحلام من أبي " والذي أهداني اياه الصديق العزيز أحمد سميح منذ عدة شهور و لم تتاح لي فرصة قراءته الا منذ فترة قصيرة.

الكتاب هو سيرة ذاتية تميز كاتبها بأسلوب سرد روائي أكثر من رائع و عقب انتهائي من قراءة الكتاب كان اول ما خطر في بالي ان هذا الرجل يستحق ما هو أكثر من رئاسة أمريكا فهو له تجربة انسانية ملهمة جدا و يمكن لمن قرأ الكتاب ان يلاحظ هذا بالفعل و خصوصا انه كتبه قبل ان يدخل حتي مجلس الشيوخ و منذ فترة طويلة

خلال تصفحي الاخبار في منتصف نهار الجمعة عرفت بأنه فاز بالجائزة و كان اول شعور لي هو السعادة البالغة – ليس لفوزه – و لكن لتصوري ان من منحوه الجائزة – التي لم أكن اعلم انه مرشح لها – سمعوني ليلة أمس و انا اقول انه رمز انساني أكبر من الولايات المتحدة و رئاستها و لا أعلم لماذا ايضا تذكرت السادات حين كان يقول في كتابه الرائع " البحث عن الذات" انني رئيس الجمهورية لأنني انور السادات و لست انور السادات رئيس الجمهورية"

جائزة للانسانية و ليست للسياسة :

اوباما هو تجسيد حي لتجربة انسانية رائعة خليط من نجاح علي ارض مازالت قادرة علي انجاب الاحلام و الامل و تقديم نماذج للحرية و الديمقراطية وقادرة رغم كل التحفظات علي لفت انظارنا لها.
نموذج لتكافؤ الفرص و تخطي الصعاب اللون و العرق و تخطي احباطات الحياة و نموذج للتسامح و قبول الاخر.

هو أمل في زمن نسينا نحن فيه هذه الكلمة بسبب تخلفنا و جهلنا و انشغالنا بمعارك وهمية عن النقاب و استقالة المرشد و نسينا اننا في استطلاعات الرأي الدولة الاخيرة في املنا في مستقبل افضل.
يا أصدقائي فلسطين و العراق و أفغانستان هي جزء من العالم – و ليست كل العالم – و في ظل تعقيدات السياسة أصبحت هذه القضايا و الملفات ليست معيارية في الحكم علي أي شئ
وتذكروا ان اوباما لم يدخل هذه الحروب بل وصل ليجدها علي قائمة من القضايا التي يجب التعامل معها فلا يجب ان نحمله اخطائنا
فحينما بدأ الصراع العربي الاسرائيلي لم يكن مولودا و حينما هزمنا في 67 كان عمره حوالي 6 اعوام و حينما دخل بوش افغانستان كان مازال اوباما يعاني من احباط فشله في اول انتخابات يخوضها علي مستوي ولايته و من عدم تمكنه من حضور مؤتمر حزبه و فشله في دفع اقامة و اشتراك المؤتمر لافلاسه
وحينما دخل بوش العراق كان اوباما يجاهد في عامه الاول في الكونجرس محاولا فهم ما يحدث

ترشيح هذا الرجل في فبراير و بمجرد نجاحه في انتخابات الرئاسة و لم يكن قد أمضي شهرا في الحكم و لكن من رشحوه و اختاروه بسرعة اعترافا و تقدريا لأوباما الانسان و تتويجا لتجربته الملهمة التي بها الكثير من العبر و ربما قبل ان تحيطه السياسة بتعقيداتها و حساباتها التي تبدو احيانا غير انسانية لم يخلقها هو و لكن سيكون عليه التعامل معها
فلنتوقف عن الحكم علي العالم بمعاييرنا الفاشلة و موقف العالم من قضايانا المملة
ربما ينجح اوباما في سياسته او يفشل و لكن هذه ليست القضية ان نجاحه في الانتخابات هو نجاح للأنسانية و واحدة من اعظم اختراعتها و المسماة بالديمقراطية و بختم أمريكي.

انا معترض ....اذن انا محمود

الصورة اللي لاقيتها و الكلام اللي فيها لا يعبر عن رأيي

كل اما اقول رأيي في أي حاجة الاقي تهمة يفتحوها ليا من علبة زي السردين كده و هي اني دائما معترض
و بغض النظر عن ان هذا نوع من الارهاب الفكري و الحجر علي رأيي بترك النقاش حول اصل الموضوع و الحديث دائما حول شخصي و رأيي والنوايا الداخلية لي في الاعتراض و احيانا في هدم "الصورة" الجميلة للاشياء او حب الظهور و الاختلاف
لاحظوا معي حكاية " الصورة"
بس الحقيقة بقي ان السردين بتاعكم قديم و ريحته وحشة و بايظ
انا مش عايز اقعد اتكلم و احط نفسي في موقف دفاع لان انا اساسا مش في هذا الموقف
بس خلينا نوضح شوية حاجات
اول حاجة و اهم حاجة ان حرية الرأي دي حاجة مهمة جدا و ان الانسان له كامل الحرية في التعبير عن الرأي مهما كان غريب او مختلف ولا يقبله الناس
و في مقولة بتقول "ان كل الافكار الشائعة الان كانت شاذة قبل ذلك" مع العلم اني عمري ما قلت افكار شاذة و لكن انا بشوف العالم المتقدم فيه ايه و بقول نعمل زيهم
انا انطلق في رأيي دائما من منطلقين
الحرية و التقدم
الحرية تعني ان لكل فرد ان يفعل ما يشاء طالما انه في اطار القانون ولا سلطة لشخص او دين او لاحد علي احد
التقدم هو : ﺘﺤﺴﻥ ﻓﻲ ﺍﻟﺤﻴﺎﺓ، ﻭﻫﻭ ﺘﻁﻭﺭ ﻭﻨﻤﻭ ﺘﺩﺭﻴﺠﻲ ﻓﻲ ﺍﻟﺘﻨﻤﻴﺔ ﻭﻓﻲﺍﻟﻤﻌﺭﻓﺔ
و في رأيي ان الحرية هي التي تصنع التقدم
يمكن مفهوم الحرية هو من المفاهيم شوية التي تثير جدل و خصوصا اذا تلامس مع بعض الافكار او الاديان او بعض السلطات
انما بقي اللي مش بفهم الاختلاف حوله و فيه هو التقدم
في حاجة كده اسمها " العالم المتقدم " و في مقولة اخري "العالم الحر"
طبعا هو مش عالم مثالي ولا وردي و لا هو الجنة و انا لما بتكلم عنه مش بلغي ثقافتنا ولا هويتنا ولا أي كلام من ده
لكن افضل من عالمنا القبيح
نقول أمثلة بسرعة :
الشعب الاسباني لما تخلص من الحكم الديكتاتوري و اصبح ديمقراطي و منتج و متقدم و زاد متوسط دخل الفرد ....زاد متوسط طول الشعب 20 سنتيمتر في 30 سنة .....يعني التقدم يساوي حياة افضل و صحة افضل وناس أطول
و طبعا الجهلاء هيقولوا و ازاي قاسوا طول الشعب ....دلوقتي في علوم بتقيس كل حاجة و بتقيس حتي درجة الرضا و السعادة و احنا الحمد لله طلعنا اخر دولة في العالم علي مقياس السعادة كمان
اسبانيا دي تترجم سنويا عدد من الكتب يفوق ما يترجمه العرب مجتمعين ..... واحنا لسه بنقول نترجم كتب من اسرائيل ولا ده تطبيع
في البلاد المتقدمة مفيش حاجة اسمها مواضيع لا يجوز الحديث عنها ولو فيه بتبقي باتفاق الاغلبية برضه
وممكن حد يسيب كل حاجة حلوة و يمسك في حاجة صغيرة جدا و يتعمل عليها فيلم
يعني مثلا اوباما لما سلم علي ملك السعودية و انحني ليه انحناءة احترام وفقا لمفهوم اوباما قامت الدنيا و هاجت و ماجت و الناس قالت يستقيل و دي خيانة و قيل كل ما قيل ولكنها الحرية
انا عايز أي حد يفتح أي فيلم تسجيلي علي قناة الحرة و يشوف الناس تنتقد ازاي النظام السياسي الامريكي مثلا ... او في بريطانيا عايز حد يشوف ما حدث مثلا مع فضيحة حزب العمال الحاكم و الاستقالات الجماعية و لم يقل احد صورة بريطانيا
احنا بقي الطبخات بتاعتنا ناقصة زي السردين اللي في العلب اللي بتفتحوها دائما
يعني الناس لا تتقن اعمالها و تجامل و تنافق و اذا طلبت محاسبة او سؤال يبقي انت بتشوه الصورة و ما هو كله كده و الدنيا و ماشية و مش تعقد الامور
و مش لازم كله يبقي بالمسطرة
اه مش لازم كله يبقي بالمسطرة بس في نفس الوقت مش لازم الناس تبقي مبحباها اوي كده ولما اتكلم الاقي تهمة انت معترض
ايوا انا معترض علي أي افكار هشوف انها هتجيبنا ورا
ولو انا قولت حاجة ضد الحرية او التقدم و مش موجودة في اول 20 دولة في العالم المتقدم يبقي الناس ليها عندي حق من بتوع العرب

مومس في غرف المنتخب

هذه الصورة ليست من مقر اقامة اللاعبين

انا بقي مستغرب جدا
كل الناس كاتبة بتهاجم عمرو اديب
اولا نخرج ام عمرو اديب من الموضوع
في جرايد و بوليس جنوب افريقيا قالوا .... كدب او صدق ده موضوع يتم مناقشته بشكل مختلف
نفتح بقي
اللاعبين اتسرقوا
عادي
ممكن يكون الفندق فيه حرامية وان كان دي مستبعدة
اصلهم مش نازلين في فندق المحطة في رمسيس
لكن ماشي
الفندق حرامية
اللعيبة اتسرقت
عادي و بتحصل
فجأة جريدة خدت تصريحات و قالت ان البوليس لقي ان كان فيه بنات في الاوتيل مع اللعيبة
الجريدة دي مش جريدة النبأ علي الرصيف اللي قدام فندق المحطة في رمسيس
لا برضه دي صنداي ورلد
يعني لما تاخد كلام بيبقي غالبا صح و هما كمان قالوا ان ده حصل و قالوا اسم الشارع و جابوا ناس من الاوتيل عاملين امن فيه ( اللي هما متهمين انهم حرامية) و هما دووول بقي الي سرقوا و شهدوا علي الشرفاء في المنتخب انهم كان معاهم بنات )
ممكن يكون البوليس لقي موضوع العاهرات دي يلزق فيها الكلام ده
يعني واحد معاه مومس و اتسرق مش عرفوا اللي سرق ...هيقولوا غالبا المومس ....بس الشهادات و الكلام انه فيه مومس
اعتقد ان اللاعبين اذكي من الظباط و مش هيصوروا نفسهم ..... بس ربما برضه
نيجي بقي للمنتخب
اللاعبين ردهم لطيف اووووي
بسم الله الرحمن الرحيم
احنا يا جماعة بنصلي ..... ومدش قال ايه اللي حصل بالظبط و لا حتي اسماء اللاعبين اللي اتسرقوا
و ان دي مؤامرة علشان جنوب افريقيا تظهر للعالم انها تقدر تنظم كاس العالم
و كأن العالم اللي اعطي جنوب افريقيا صوته و احنا خدنا صفر مستني شهادة اللاعبين المصريين علي قدرة جنوب افريقيا علي التنظيم .... اختيار جنوب افريقيا تم و هم علي علم تاااااااام انها اقل دول العالم امنا
بس تقول ايه بقي زناخة المخ
و بعدين كابتن المنتخب يروح مصدر لك ابو تريكة في المكالمة
علي اساس ان ده الحيطة ....طبعا ابو تريكة محترم ...بس مين جاب اسمه في الموضوع هما قالوا 5 لاعبين ولو سألت اي حد ملوش حتي في الكورة هيقولك علي اسمائهم و لو طلبت يستبعد حد ملوش دعوة بالكلام ده هيكون اول حد ابو تريكة
--------------
الغرض بقي من كل الفيلم ده و اللي نرفز عمرو اديب و نرفزني و حرق دمي و البلد كلها
ان اداء المنتخب ادائه وحش اصلا و دي لازم فيه حساب
لللللللللللللللللللللليه ؟؟؟
لان دي فلوسنا و ده اسم بلدنا اللي بقي في الوحل و دي لعيبة لا مؤاخذة بتكسب ماتش و تروح تنام مع بنات و تخسر اللي بعده ........ الصورة كده حتي لو هي مش كده
لان مفيش حساب
و مش هفكركم بالسوابق و قعدات اللعيبة و الشيشة جنب معسكر المنتخب في دار الدفاع الجوي و المدرب نايم
يعني من الاخر هما مش علي الصراط المستقيم
يالا بقي انا زهقت منكم
جتهم الارف عيال نجسة .... و ناس أنجس طول الليل سهرانين يدوروا علي السكس علي الانترنت و يقولوا الكلام في السكس عيب
-------------------
رابط المجلة اللي نشرت

انا كمان استراتيجي دارفوري

دارفور

قناة النيل للاخبار و التلفزيون المصري عموما تلفزيون دمه خفيف اوي طلعه علينا بخبير استراتيجي لطيف اسمه د. حمدي السيد (غير نقيب الاطباء) طبعا محدش قال مؤهلاته ولا هو ليه استراتيجي علي اساس انه غالبا من الجيش و اي حاجة تخص الجيش سرية حتي مؤهلات الاستراتجيين اللي زي سعادة معالي حضرته.
البرنامج اساسا اسمه علي ضفاف المتوسط و المفروض بيناقش العلاقات المصرية الاوروبية و عملية برشلونة و الكلام الجميل ده واللي هي اساسا قائمة علي علاقات شراكة سياسية و اقتصادية
لكن دارفور- اللي هي مش علي المتوسط وفقا لمعلوماتي – بقت هي محور الحلقة.
قال ايه بقي الاستراتيجي العظيم
طبعا بعد ما اتوضأ وقال بسم الله الرحمن الرحيم و ان المحكمة الجنائية الدولية غير شرعية و انها عملها يدخل في نطاق انتهاك سيادة الدولة وانها لم تحاكم بوش و بلير وقادة اسرائيل وجرائمهم ضد الانسانية وده المعلوم من حقوق الانسان بالضرورة وان ما يحدث هو محاولة واضحة للسيطرة علي موارد السودان.
المهم بقي استراتيجيا هو كان محامي البشير وكرر كلمة قالها اكثر من 5 مرات وهي ان " الهجوم خير وسيلة للدفاع" ودي طبعا استراتيجية عظيمة هو كشف عنها رغم اني كنت متصور انها من الاسرار العليا للدولة زي مؤهلات حضرته لدرجة اني فكرت اتصل اقولهم في التلفزيون ان الاستراتيجية دي من الاسرار العليا للدولة وازاي هو يتكلم عنها كده و يعلنها للاعداء في المحكمة الدولية.
و بصفته بقي استراتيجي فقرر ان الجامعة العربية و المؤتمر الاسلامي و الاتحاد الافريقي يسعوا بهجوم - لانه خير وسيلة للدفاع - من محورين :
الاول : الغاء قرار توقيف البشير ( وده علي اعتبار ان القرار ده صادر من وكيل نيابة كوم حمادة في البحيرة)
الثاني : تقديم قادة اسرائيل بدل من البشير

للاسف الشديد اني علي اطلاع يكاد يكون متخصص علي هذه القضية والسبب اني اشتغلت فترة كانت قصيرة في برنامج دارفور في مركز القاهرة لدراسات حقوق الانسان
وللاسف برضه اني علي اطلاع عن قرب شديد لكل التقارير الصادرة عن الوضع في دارفور منذ فترة تقارب ال6 اعوام بل وفي احدي التجليات العظيمة وبعد نجاحي في مهام تقصي الحقائق للفتن الطائفية في مصر قررت ان اتوسع و ابقي استراتيجي واعمل شغل اقليمي و اروح اعمل توثيق للجرائم في دارفور وبعدين اكتشفت اني ركبت اخر قطار و ان العالم كله و الامم المتحدة و الامم المتفرقة كمان عملوا تقارير وان الموضوع وفقا للمصطلح العلمي " قتل بحثا".
من وجهة نظري و بعيدا عن التخاريف الاستراتيجية ان العالم يتغير بشكل لم نعد قادرين علي استيعابه و ان السيد الاستراتيجي مازال يتصور اننا في عام 1956 حيث مصر هي مصر و السودان كما هو و امريكا كما هي
ما لا يدركه الخبير ان قضية حقوق الانسان اصبحت من الاولويات الان في العلاقات الدولية وانها لم تعد قضية سياسية فقط او ورقة ضغط بل هناك اليات – احداها – هي المحكمة الجنائية الدولية و التي تعود في فكرتها الي حقبة أراد العالم الحر ان ينهيها تماما منذ الحرب العالمية الثانية حتي و ان كان سوء استغلال من قبل البعض لهذه القضية وان السياسة والانسانية وان اختلفتا احيانا الا انهم موجودتان علي طريق فيلتقيان حينا و يتفرقان احيانا كما في القضية الفلسطينية.
الموقف المصري بقي من الدفاع عن البشير مفهوم
مصر مش عايزة ترسيخ لمفهوم الملاحقة الدولية بسبب حقوق الانسان لان مصر ملفها زي اي دولة عربية مش ناصع البياض يبقي احنا بقي نقطع الطريق من اوله بشوية قطاعين طرق فاهمين استراتيجيا ايه اللي يتعمل في الحاجات دي
في حين ان اساسا البشير ده تورط في محاولة اغتيال الرئيس مبارك بس يبدو ان مستشارو الرئيس ليهم وجهة نظر تانية و خصوصا ان واضح ان اغلبهم من الاستراتجيين اصحاب المؤهلات السرية
علي التلفزيون المصري انه يرحمنا بقي من المصاريف اللي الشعب المصري اولي بيها و يروحوا بقي يعملوا حاجة مفيدة بدل القنوات و الجرايد اللي بتدافع عن البشير دي وحتي لما تقرروا تدافعوا عن البشير ابقوا و حياة ابوكم اختاروا محامين كويسين لاحسن هتلاقوه في السجن.

علي السريع:

تقرير منظمة human rights watch و اللي صادر من 2005 عن الموضوع ده فيه كل التفاصيل و هتلقوه علي الرابط ده
http://www.hrw.org/en/reports/2005/12/08

- الاستراتيجي قال ان اللي حصل هو دعوة لبعض المتمردين للانقلاب علي البشير... هو البشير ده اساسا مش جاي بانقلاب ...ده بقي مش تقوله كلمة عيب وكأن البشير ده يعني جه في انتخابات.
- الاستراتيجي مجبش سيرة اي حاجة تخص الضحايا او عمليات القتل الحاصلة هناك... يعني اتكلم في كل حاجة الا الموضوع الاساسي.

مصر من علي عربية فول

عربة فول مصرية علي سور الازبكية منذ أكثر من 130 عاما

عربة فول في مصر من حوالي 120 عاما

عربة فول مصرية معاصرة لم تختلف كثيرا عن سابقيها

احلي حاجة في مصر لما تقف الصبح علي عربية فول ..... هتعرف مصر اللي محدش يعرفها
لو شاء القدر و حد من اللي بيتشموا مصر نزل و عاش في مصر مش شاف بس الاهرامات و القلعة و اتعشي علي النيل .... هيعرف
مصر لغز محدش يعرفه غير اهلها ...حتي هما لسه مش عارفينه

الناس زعلانة اني بقول مصر اولا و الانسانية بتيجي بعد كده
و انا مصمم علي رأيي .. وهضيف و اقولك كمان ان الانسانية في تراجع لان مصر في تراجع

مصر عندي هي الانسانية

مصر دي بكل حاجة سواء حلوة او وحشة ... ويمكن الحاجات الوحشة قبل الحلوة هي بلدنا

انا لما هتخانق في الشارع مش هروح اشتكي في الامم المتحدة
لكن هروح قسم شرطة في مصر ..حتي لو مش هاخد حقي ...بس برضه هبقي في مصر اللي جزء منها انك مش هتعرف تاخد حقك بسهولة و هتلاقي ظابط غالبا رذل ....انت في مصر

مصر و الناس اللي بتشتمها في الفضائيات و بتضرب سفارتها و اللي كمان بيدافعوا عنهم هنا

مصر مش انتوا ومحدش يتكلم باسم مصر احنا مصريين اه لكن مصر اكبر مننا كلنا
مصر مش مبارك ومش أي رئيس .... مهما قدم لها ...لانها اكيد اديته اكثر ....وحتي لو مش اديته
مصر مش مناضلي الفضائيات
حتي لو مصر بتشتغل ضد القضية الفلسطينية مش معاها .... هي مصر ....
مش هقول اللي مش عجباه مصر.... يسيبها
لكن مصر مش هتقف علي حد مننا

أي حد بيتكلم عن مصر و بيقول انه عارفها
انا عايزه ينزل الصبح يقف علي عربية فول ...اي عربية فول .... اوعي تتكسف انك تاكل من عربية فول .... لو اتكسفت انا ممكن اقول عليك مش مصري واقول عليك خاين
وعربية فول ...مش تاكل فول شبراوي او اخر ساعة او نعمة
شوف مصر الحقيقية
عم احمد بتاع عربية الفول ....دعوته طالعة من القلب تحس بصدقها ...صدق مش هتلاقيه في كل دعوات كل شيوخ الفضائيات و قنواتهم
شوف الروح بتاعت الشعب الصبح وانت علي الفطار .... حلو ولا حار يا استاذ .... تاخد حلويات ؟؟؟ اقطع لي بصل يا ريس
شوف لما الكل واقف جنب بعضه بيدور علي لقمة العيش
حتي لو العيش صعب نلاقيه .... بس في عربية الفول الصبح عمره ما هيختفي
شوف لما تحاسب بعد ما تاكل
و تحس من عم احمد انه فعلا مش عايز ياخد منك فلوس .... مش بيجاملك ...لكن لو في ايده مش هياخد منك فلوس ....كفاية انك اكلت و قولت الحمد لله ..
روح on the run و اشرب الكافيه لاتيه اوليه فرابيه .... وانت مصري برضه ....بس هي دي جزء من مصر اللي محدش يعرفها ..... ومحدش هيعرفها...... فيها الاتنين جنب بعض

انا زعلان علي حال مصر .... المفروض نبقي احسن من كده
كلمة بنقولها في اليوم كلنا 50 مرة و بنحلم بغد احسن بكثير
لكن لو مفيش مصر ..مفيش الحلم ده اساسا
شيرين بتغني و تقول ..مشربتش من نيلها و انا بقول جربت تاكل فول و بصل علي عربية في مصر الصبح ؟؟؟

حكاية غزة و الانسانية المزعومة

كلمة انسانية كما وجدت معناها في ويكيبيديا : حركة فلسفية، كانت تدعوا إلى إعادة الكرامة إلى القيمة الإنسانية، كانت ترجح التفكير العقلاني، وأكدت على تفوق الإنسان بذاته وليس عن طريق القِوى التي لا تخضع لمنطق العقل....فكروا فيها شوية كده ..

كارثة انسانية كلمة ترددت كثير في الفترة الاخيرة مربوطة بقصة غزة

وفي الحقيقة انني حاولت ان اتعاطف مع هذه المقولة فيما يخص غزة فشلت.... مش قادر اتعاطف

اصل لما صخرة جبل تقع علي الناس او يحصل زلزال او فيضان او حتي قطار يتقلب او يتحرق دي كوارث طبيعية او انسانية و حتي لو في شق اهمال انساني لكن هو اهمال مش سياسة معروف مقدماتها و نتائجها لكن دلوقتي ...

ناس اختارات حكومة بتقول انها جاية علشان تعلن الحرب علي اسرائيل و ناس قررت انها تدخل الحرب مع عدو مش معروف عنه انه لما بيحارب بيبقي ذوق و اخلاق

يعني لا اسرائيل جديدة و لا غزة وقع علي دماغهم نيزك

دي ناس كلها قررت انها تدخل في حرب ...

و محدش يقولي ما هو اساسا في ظل السلطة مفيش سلام لاني هقوله اقرا التاريخ من عند اوسلو و انت جاي

و بعدين يقولك العدو بيضرب المدارس و المستشفيات و الجوامع لكن محدش بيقول ان اسرائيل بتقدم للعالم صورة الشاب الشطور بتاع المقاومة ..يحدف البمبة و القمر الصناعي مصوره و يجري يدخل في أي مكان من دول الطيارة تجيبه طبعا و تضربه ...مكان ما يدخل بقي اصله يعني مش هيحدف البمبة واسرائيل هتسكت

الخلاصة اللي انا عايز اقولها مفيش انسانية في الموضوع بقي دي ناس قررت انها عايزة الحرب و لو الشعب الفلسطيني عايز السلام يخرج و يقول للي قاعدين يديروا الحرب من فنادق دمشق ...

لا مش عايزين الحرب او عايزين الحرب

الغريب بقي ان الاخوة المصريين اللي عايزين مصر تفتح المعابر او تعلن الحرب علي اسرائيل كل ما تقول لواحد يقولك ..انسانيا

انت مش انسان يا اخي ؟؟؟!!!!!!

طيب و الانسان في دارفور مثلا و الانسان المعتقل في مصر وفي وسوريا ...

و الحكومة ما صدقت ...

ما لما نتظاهر علشان غزة ..هنروح ننام في الاخر ..و نطلع شوية كبت بدل ما نتظاهر علشان رغيف العيش ولا العبارة

يعني حكاية الانسانية انا مش داخلة دماغي اوي

المهم اننا يعني مش مؤمنين بالانسانية اوي كده ..احنا تاريخنا في حكاية الانسانية دي عرة – بدون نقط - اوي

يعني احنا جوة مصر مع بعض ولا نعرف أي حاجة في الانسانية دي و مش محتاج اذكر امثلة

و لما حصلت احداث 11 سبتمبر مثلا مش قولنا انسانية ...

لا احنا قولنا سياسة امريكا هي السبب و لما الاعصار بيضربها تلاقي الناس تقولك ..ده غضب ربنا

هو احنا الانسانية لكن الناس التانية كفرة ولاد بوبي

ومحدش يقولي شعب غلبان ولا حول ولا قوة علي بتوع غزة لو هو كده يبقي يستسلم اه ....

يستسلم ... عادي يعني ما هو انا يا أد الضرب و استحمل يا اسكت لكن احارب علي اساس اني هرمي بلايا علي مصر ؟؟؟

اللي عايز يناضل... يناضل من جيبه مش من جيب الناس التانية....... واللي يجي بعد كده خير.

مينفعش اقرر اطلع الصحراء اعمل سفاري اسبوع و بعدين اخد زاد ليومين واعتمد ان اخويا هيسيب شغله و يجي يجيب باقي الزاد و اقوله اصل انا بموت.... رغم انه قالي خد معاك حاجتك علشان انا مش فاضي

ما هو يعني مش طريقة انا عارف طبعا اننا هنقول اسرائيل بقي و الوحشية بس يعني ده الغباء بعينه

خلوني اسال شوية اسئلة

هو ليه احنا بس اللي بيحصلنا ده من خمسين سنة ومش بنتعلم ؟؟؟

و ليه برضه الرئيس الوحيد اللي بيتعبروه خاين هو الرئيس الوحيد في كل اللي بيشتموه اللي ارضه محررة ؟؟

و علي العكس ...الرئيس اللي الجماهير الذكية شايلة صورته مات و مصر محتلة مش بس مصر لا كل دول المواجهة و كان بسببه

بالذمة دي ناس حد يسمع كلامها و يمشي وراها ؟؟؟

و مبارك اللي حتي لو اختلف الناس حول سياسته الداخلية لكن هو الوحيد اللي حارب بجد في كل الموجودين حارب حارب يعني و تدريبات و خطة مش شوية بمب من مخبأ و قناة فضائية تعمله زعيم

يعني لو نشغل دماغنا شوية هنعرف ان غزة مش محتاجة دعم غزة محتاجة تفكير لمدة ربع ساعة نفكر ربع ساعة و الله و تبقي الدنيا زي الفل و نسأل سؤال ...مش يمكن احنا مش صح عالطول الخط ؟؟؟

كلامي هيزعل الناس انا عارف بس انا معلش زعلان برضه بس بطريقتي .

العجمي...تل أبيب... والبيكيني الأحمر

كنت في العجمي مسترخي علي الشاطئ أتأمل في البنات الجميلات من حولي وفجأة وجدت فتاة من أجمل ما رأيت في حياتي ترتدي بكيني أحمر ساخن تأتي ناحيتي وهي تبتسم وتقول لي
ماذا تريد ؟؟؟؟
فسألتها: مش فاهم؟؟!!
قالت لي: أحلم أتمني !!!
لأول لحظة تصورت إنها عايزة حاجة مش مظبوطة... وقولت نشوف السكة بقي
قولت: لطيف... أنتي مين بقي ؟؟؟؟
قالت: الأسماء مش بتفرق
قولت: طيب هناديكي ب إيه ؟؟؟ طبعا أنا كنت بقول كده وأنا ببص بصة مش بريئة
ردت: لا أنت فهمت غلط
قولت: فهميني الصح ؟؟؟؟!!!
قالت: أنا مش واحدة زى ما أنت فاهم..... أنا مش انسانة أنا من الجن الأزرق
قولت لها: بتهرجي !!!!
طبعا كنت متصور إنها بتهرج وإنها بتعمل عليا فيلم
قالت لي: شكلك مش مصدق.... أنا مسئولة التنقل بين الزمن في عالم الجن الأزرق ولقيتك شكلك زهقان قولت أجي أخليك تتنقل شوية
نظرت لها في شك وأنا أفكر أنها أكيد بترسم عشان نروح البيت وتقولي هتنقلني بقي بالزمن والكلام ده
فرددت: طيب و المطلوب ؟؟؟!!!!
قالت: تغمض عينك وتجيب ايدك بس
في نفسي بقي قولت ربنا يستر.... أديتها أيدي وفجأة كأن كهرباء زى الهزاز في الموبايل و
قالت لي: تحب تروح في أي سنة ؟؟؟
رديت: مش هتفرق !!
سمعت صوتها وهي تقول لي فتح عينك
فتحت عيني فوجدت كل شئ مكانه
تصورت أنني غفوت في حلم جميل لان البنت كانت حلوة أوي وقولت مش كان كمل الحلم ده في أي حتة !!!!
ببص جنبي لمحت الجورنال
لقيت مانشيت الأهرام
إسرائيل عضو في الاتحاد الأوروبي بإجماع الآراء
قولت يا نهار اسود !!!!!
فتحت جوة الجورنال لقيت إن الاتحاد الأوروبي وافق علي ضم إسرائيل إلي عضويته بعد معدلات النمو الغير المسبوقة اللي حققتها
يا نهار اسود ؟؟؟؟!!!!!!
فتحت صفحة ثانية لقيت مكتوب
الخارجية المصرية: اتفاقياتنا مع الاتحاد الأوروبي هي عضوية ينقصها الانضمام الرسمي وفقا لمرجعية برشلونة ولا تأثير لانضمام إسرائيل علي عملية السلام
سالت صديقي الجالس بجانبي وفي يده زجاجة من البيرة:
هي إسرائيل بقت عضو في الاتحاد الأوروبي ؟؟؟؟
رد: إيه يا عم أنت مش عايش ولا إيه ؟؟؟؟
أنا: لا قصدي ازاي ده حصل
رد: اللي ازاي ده حصل ؟؟؟ دولة وانضمت للاتحاد الأوروبي عادي
أنا: طيب وبعدين ؟؟؟
صديقي: إيه اللي بعدين ؟؟؟ مالك يا ابني؟؟؟
أنا: يعني والفلسطينيين ؟؟؟؟
صديقي: مالهم.... النهاردة فتح اغتالت قائد الجناح العسكري لحماس في غزة ردا علي اغتيال حماس لقائد فتح في القدس.... ومصر هترعي حوار فصائل...
وأضاف ضاحكا وهيفشل ويروحوا يتفقوا في البحرين أو قطر.. أنت يا ابني مش الجرائد جنبك ؟؟؟؟
أنا: أيوا أنا بسالك عادي يعني...طيب وبعدين ؟؟؟؟
صديقي: مصر بتدرس وقف قبول المعونات الأوروبية بعد انضمام إسرائيل
أنا: أه عندهم حق والله....
تصفحت الصحف مرة اخري
وجدت كلام كثير عن معدل النمو الغير مسبوق في مصر بس أسماء الوزراء كانت متغيرة وأنا لسه هسأل عن الوزراء ليه اتغيروا لقيت فجأة مقال فهمي هويدي عنوانه " إسرائيل في الاتحاد الأوروبي والعرب في الحظيرة الأمريكية"
وبعد الاستشهاد بمقالات كتاب من صحف إسرائيلية ليؤكد أن ما حدث كان نتيجة تخاذل العرب في الضغط علي أوروبا لمنع إسرائيل من العضوية في الاتحاد بعد تهديد أمريكا لهم وفتح ملفات الحكام العرب في الفساد وغياب الديمقراطية في دولهم.
عدت إلي صديقي متسائلا

أنا: هي إسرائيل دخلت ازاي في الاتحاد الأوروبي ؟؟؟
صديقي: يا ابني أنت مالك النهاردة.... بلد متقدمة وبتنتج أد اللي إحنا بننتجه عشر مرات مش تبقي ليه عضو في الاتحاد الأوروبي
أنا: طيب وملف حقوق الإنسان ؟؟؟ و صابرا وشاتيلا وكده ؟؟؟
صديقي: ماله ؟؟؟ يا ابني دي ذكريات ومتاحف لينا إحنا بس ونعيط ونفتكرها لكن الدنيا دلوقتي بتعرف الإنتاج والتقدم وترتيبنا في تقارير التقدم.... زى متاحف نجازاكي وهيروشيما كده يا عم بس طبعا إحنا مش اليابان
أنا: يعني قتل الفلسطينيين وكده ؟؟؟؟
صديقي: يا ابني الموضوع انتهي من زمان الفلسطينيين هما اللي يقتلوا نفسهم دلوقتي
أنا: طيب ومصر ؟؟؟ والرئيس ؟؟؟
صديقي: لاااااا.... أنت شكلك سخن.... الشمس يظهر سيحت دماغك وتقولي عايز تاخد تان
أنا: يا أخي قولي بس.... هو مين رئيس مصر ؟؟؟؟
صديقي: فجأة لقيته رمي في وشي زجاجة البيرة....
صحيت من النوم فجأة وبصيت ناحية البنت الامورة اللي كانت قاعدة جنبي الناحية الثانية بالبكيني الأحمر... لقيتها بتلم في حاجتها وماشية من غير ما تبص ناحيتي حتى !!!!!!
رغم أنها هي اللي خلتني أروح من شوية للمستقبل !!!!!!

في صحبة البابا شنودة

لم التقي يوما البابا شنودة ومعلوماتي عنه قليلة جدا
و لأنني لا اهتم بالخلاقات بين الاديان فلم تتح لي الفرصة لقراءة اي شئ له

منذ أيام وبالصدفة البحتة وقع بين يدي كتب له اسمه " سنوات مع أسئلة الناس – اسئلة روحية عامة"
جذبني الاسم فبدأت في القراءة
وأحب ان اشارككم معي فيما قرأته وهي مقتطفات من عدة اجزاء
وعذرا لان الافكار لا تبدو مرتبة فقد نقلت كل ما أعجبني بدون ترتيب :


- انك ان احتملت اعداءك ربما تكون هذه فضيلة عادية تليق بك كأنسان روحي
اما ان تحتمل اساءة من أحسنت اليه فهنا يبدو طريق الكمال والنبل وكونك تحتمل ولا تغير اسلوبك فهذا نبل ايضا
ان فعل الخير مع الذين يسيئون اليك يخجلهم


ان الذي يقهر نفسه خير من يقهر مدينة
الشخص القوي هو الذي يغلب الشر .... لان يستطيع قائد كبير ان يغلب جيش و يفتح مدن ...ثم ينهزم من شهواته و لا يكون قويا
ان القوة الحقيقية للانسان :
1- انتصاره علي نفسه
2- تأثيره علي الاخرين
3- علاقته القوية بالله
4- مواهبه وحسن تصرفه
5- نجاحه وقدرته علي العمل المنتج

ان الذكاء خاص بالعقل ... والحكمة خاصة بالتصرف


- ان جاع عدوك فأطعمه وان عطش فأسقه " الانجيل"
- قابل العداوة بالمحبة
- نكره الشر ...و ليس الاشرار
نكره الخطأ ....وليس المخطئ
لأن المخطئون هم مجرد ضحايا للفهم الخاطئ أو الشيطان ..علينا ان نحبهم ونصلي من أجلهم لكي يتركوا ما هم فيه.

- لا نفرح مطلقا بأي سوء يصيب من يسئ الينا
- السيد المسيح علي الصليب أوجد العذر لصالبيه




- دعهم يعملون عملهم و نحن نعمل عملنا ...عملهم ان يعملوا الشر ....وعملنا انا نجازي بالخير
- ان فعلت خيرا وقوبلت بالشر فقل لنفسك لعلها محاربة من الشيطان ليمنعني من فعل الخير
- رد الكراهية بالحب والاحسان ....فنغير مشاعر المسئ
- هناك طريق تتخلص به من عدوك .... ان تحول ذلك العدو لصديق
- كونوا بسطاء كالحمام .... وحكماء كالحيات ...." المسيح "
- القلب الذي يسكنه الحب لا يجوز ان تسكنه الكراهية أيضا
- " المحبة لا تفرح بالاثم "

قال ايه بيعديييني .... مروة رخا وخيري رمضان

قال ايه بيعديييني .... مروة رخا وخيري رمضان

في واحدة من اشهر مشاهد المسرح المصري تقف القديرة ثناء يونس أمام والدها في أحداث مسرحية " سك علي بناتك " العملاق فؤاد المهندس لتقول له انها تخشي من عدم حضور العريس لانه حاول ان يمسك يدها في الليلة السابقة للزاوج
وتقول له حاول يمسك يدي " قال ايه بيعديييييني"
فيرد الوالد كنتي سيبيه يمسكها يا فوزية
المشهد معبر جدا
نذكرت هذا المشهد وانا أري الحديث الذي دار بين مروة رخا مؤلفة كتاب "شجرة السم" والقدير خيري رمضان في حلقة البيت بيتك
فبينما ينتمي خيري رمضان الي المدرسة الكلاسيكية في العلاقات العاطفية والتي مازالت تري العفاف والطهارة كما عبرت عنها ثناء يونس
تجئ مروة كأحد أهم واقوي المعبرين عن جيلنا " جيل من 20 الي 35 " الجيل الذي اصبح مسك اليد من البديهيات واصبح السؤال الي اي مدي وصلت العلاقة الجنسية بين الطرفين وهل انتهت عند تبادل القبلات ام أكثر قليلا أم اكثر كثيرا
وهناك تحايل علي عذرية الفتاة ربما لا يمكن ان يصل اليه خيال الاستاذ خيري رمضان مع كامل احترامي له
فتفاصيل العلاقات في جيلنا مخجلة جدا جدا
وأعجبني جدا رد مروة بانها وهي قادمة لم تري علاقة لا يمسك فيها الولد يد الفتاة
فعملوماتي عن جيلي والذي ادعي انني اعرف عنه الكثير تسمح لي ان اقول ان مروة علي حق
باستثناء الجيتوهات المتشددة دينيا في مصر والتي لا تسمح باختلاط فتيات بفتيان قبل الزواج اصبحت العلاقات العاطفية في مصر تدور بشكل مختلف وسري جدا واتحدي الاستاذ خيري رمضان ان تكون هناك تلك الفتاة التي دخلت في علاقة ولم تمسسها يد

لا أدعي انني خبير كمروة
ولكني فقط راصد من الاصدقاء و المعارف
فبينما تهز رسالة "بنات ابليس" مجتمع خيري رمضان الكلاسيكي الا انه سيجد في جعبة مروة ما يجعل فتاة ابليس تلك ملاك طاهر شريف
الحقيقة ان عفة الفتاة في مصر اصبحت بمعايير جديدة تماما
وانا أعرف شخصيا فتاة رفضت عريس كامل لانه حاول يمسك ايدها وهي علي علاقة جنسية "غير كاملة" بغيره ووقف الاهل والاصدقاء معها لانه عريس "مش متربي"

بما زاد من تمسكه بيها
وقال ايه بيعديني
يالا كفاية كده لاحسن انا هطق

جروب كتاب مروة رخا

http://www.facebook.com/group.php?gid=7453734412&ref=mf

حلقات مروة رخا علي ردايو حريتنا (بجد جامدة جدا جدا ) هتلاقوها هنا

http://www.horytna.net/Articles/Details.aspx?TID=2&ZID=221&AID=5955

قصة بنات ابليس المنشورة في الاهرام في بريد الجمعة

http://www.mazikao.com/vb/showthread.php?t=22601

سؤال محيرني

يعني ايه انسان محترم ؟؟؟؟؟؟
حد عنده اجابة ؟؟؟

كلام بيعجبني

اقوال بتعجبني
الكلام ده بيتقال في فيلم او بتقرأه في نتيجة معلقة علي الحائط
بس بالنسبة ليا يمثل أهمية كبيرة اوي
وفي الكلام ده في حاجات انا حاسسها اوي

سهل تلاقي واحد يحبك ....صعب انك تلاقي واحد يحبك ويفهمك ....وانا بحبك وبفهمك

مني ذكي .....فيلم (ليه خلتني أحبك)


لو بتحبني اد ما بحبك كنت عرفت اني مقدرش استغني عنك

حلا شيحة ... فيلم ( ليه خلتني أحبك)


إن الشيطان يشغل الإنسان بالبحث عن الشيء المفقود لكي ينسيه شكر الله علي الشيء الموجود بين يديه

Don't let anyone make you believe something that seems too good to be true


مينفعش تعشميه ان ممكن تحبيه وانتي مش هتقدري
عن العشق والهوي


no one deserves your tears & the one who deserve it will never make you cry


متخافيش
اجمل يوم في حياتك لسه مش عشتيه
لسه جاي
منة شلبي ...عن العشق والهوي



العيب مش فيكم العيب في النظام
برايز من فيلم ثقافي


العيب مش في المصري ..العيب في الحكام
ابو العربي من فيلم أبو العربي



أستك ولا حزام ..... كله بالحنية بيفك
فيلم عايز حقي

وهنغير الستاير
وهنبيض البيت
وهاجيب بوتجاز بأربع عيون وفرن
وهشتري هدوم وتنقيها معايا علشان ماتتخانقش
وهجيب شفاط بدل ما انا بتخنق وانا بقلي
........بلاش تحبط احلامي

وراء كل بنت معقدة ..شاب عقدها


انا نفسي احب واتحب بس ....انا مش حمل ان حد يكرهني
عمر من فيلم عن العشق والهوي

ارقص.... الكون يرقص
جلال الدين الرومي


وربما جاء يوم نجلس فيه معاً لا لكي نتفاخر ونتباهى، ولكن لكي نتذكر وندرس ونعلم أولادنا وأحفادنا جيلاً بعد جيل، قصة الكفاح ومشاقة، مرارة الهزيمة وآلامها، وحلاوة النصروآماله. نعم سوف يجئ يوم نجلس فيه لنقص ونروى ماذا فعل كل منا في موقعه ... وكيف حمل كل منا أمانته وأدى دوره، كيف خرج الأبطال من هذا الشعب وهذه الأمة في فترة حالكة ساد فيها الظلام، ليحملوا مشاعل النور وليضيئوا الطريق حتى تستطيع أمتهم أن تعبر الجسر ما بين اليأس والرجاء "

محمد أنور السادات


وهنغير الستاير
وهنبيض البيت
وهاجيب بوتجاز بأربع عيون وفرن
وهشتري هدوم وتنقيها معايا علشان ماتتخانقش
وهجيب شفاط بدل ما انا بتخنق وانا بقلي
........بلاش تحبط احلامي

منة شلبي
فيلم واحد من الناس


زي ما يوم علمت لقلبي ازاي يهواك وانت بتمشي علم قلبي ازاي ينساك
اغنية لسميرة سعيد


أن يكرهك الناس وأنت تثق بنفسك وتحترمها أهون كثيرا
من أن يحبك الناس وأنت تكره نفسك ولا تثق بهـــا

مش قادر ....هاني سلامة من فيلم السلم والثعبان


أن تندم علي ما فعلت خير من ان تندم علي انك لم تفعل

اللي يديك حبل ..اربطه به ....مثل تونسي

الدين لله ...والوطن للجميع


ايه المبادي انك تدي نفسك الحق انك تعرف ثلاثين بنت في حياتك
وتفضل شريف ويقولوا شقاوة شباب ولو بنت عملت علاقة واحدة في حياتها تبقي صايعة ومينفعش تنول شرف انها تبقي مراتك
هاني ...فيلم ويجا


بدور علي الحب مش الكراهية
كل العلاقات اللي بين الناس لو دوروا علي اسباب يكرهوا بيها بعض هيلاقوا
مهما كانت بينهم حاجات حلوة
ولو دوروا علي اسباب انهم يحبوا بيها بعض هيلاقوا مهما كانت بينهم حاجات وحشة


الغلط صفة بشرية .... والمغفرة صفة الهية


قوة المطر تحفر في الصخر ليس بالعنف ولكن بالتكرار




Faith makes everything possible,Love makes them easy


Love is like playing the piano. First you must learn to play by the rules, then you must forget the rules and play from ur heart
"Learn from yesterday, live for today, hope for tomorrow."

wanna die then die
wanna live then fight

it's very hard when u know that someone truly loves u but unfourtanetly u can't love him

sometimes you have to put walls up, not to keep people out , but to see who cares enough to break them down




I would rather have had one breath of her hair, one kiss from her mouth, one touch of her hand, than eternity without it..one"
Seth ,
City of Angels


if you cant understand my silence, you will never understand my words..


اذا لم تعلم اين تذهب فكل الطرق تفي بالغرض



I hate how much I love you.

حفظنا الدين ....عايزين بنزين

دي صورة لصحيفة حائط صورتها من سنة ونصف تقريبا

وهو ده اللي الناس بتهتم به

حفظنا الدين ... عايزين بنزين


هددت ازمة الوقود الحادثة في العالم في فترة ما احد لدول العربية الاسلامية الشقيقة التي طبقت الشريعة الاسلامية منذ فترة ليست بالقصيرة

ولان الدين لم يقدم للناس الوقود او البنزين فقد خرجت الهتافات تقول :

حفظنا الدين .... عايزين بنزين

وهو تعبير ذكي جدا وبليغ حول الوضع
فالدين لن ياتي بالوقود
تذكرت هذه الهتافات وانا اري دعاة الفضائيات

لم يحدث في مصر هذا (النفاق ) وليس (الانهيار الاخلاقي ) منذ زمن طويل

ربما مرت مصر في فترات من تاريخها بمراحل انهيار اخلاقي وكانت الدعارة لها قانون يحميها وغابت كثير من القيم
وربما تفشي الجهل والخرافات او ربما نفاق للحاكم فقط كما في كل العالم وفي كل العصور

ولكن لم يحدث في تاريخ مصر ان كان هذا النفاق بهذا الشكل

دعاة الفضائيات اعطونا الدين
ولكن البنزين مش موجود

الفكرة انهم بيقولوا حاجات لا تغني ولا تسمن من جوع .... كلام حلو اوي في علاقتك بربنا
لكن المجتمع في مصر له متطلبات تانية

الناس بقت تحافظ علي (شكل) معين
ولكن( الجوهر) هو ما يحتاجه المجتمع وده طبعا يختلف عن كلام الاخوة الافاضل

( الشكل ) بيقول البنت المحترمة – غالبا – محجبة
(الجوهر) نصف البنات المحجبات نفسهم يقلعوه وخايفين من المجتمع

(الشكل) بيقول انك لازم تقول ان الخمرة حرام
(الجوهر ) انك بتشرب طبعا علشان تبقي شاب كوول



(الشكل) بيقول ان البيكيني حاجة عيب وحرام
(الجوهر) ان البيكيني اغلي قطع الملابس النسائية مقارنة بحجمه – ونظرية العرض والطلب بتقول انه غالي علشان الطلب زايد

(الشكل) يقول انك تصلي
(الجوهر) ان باستثناء الصلاة تعمل كل حاجة وحشة وحرام وعادي ما هو ربنا غفور

(الشكل ) ان تتكلم عن الدين ازاي حلو وجميل وبيريح الانسان
(الجوهر) انك اول ما تروح البيت تقول انا تعبان اوي ومش عارف اعيش

(الشكل) انك تتكلم عن ان العلاقات الجنسية خارج اطار الزواج ليها اضرار وعيب وحرام
(الجوهر) أي كلب او كلبة معدية في الشارع تقولها يالا بينا

(الشكل) انك مش بتحب الحرام وانك بتخاف من ربنا اوي
(الجوهر) وانت لسه كنت نايم مع واحدة وبتضحك عليها وبتقولها هتجوزك بس لما ظروفي تتحسن ....سلفيني 1000 جنيه . ومن وراها بتقول عليها ....... (حذفت)

(الشكل) الكلام في الجنس حرام وعيب
(الجوهر) القاهرة وفقا لاحصائيات جوجل من اكثر 5 مدن في العالم بحثا عن كلمة (sex) بالعربي والانجليزي – وكان في قبلها شبين الكوم .

(الشكل) ان تتكلم عن نصرة الرسول ضد الفجرة في الدنمارك وهولندا
(الجوهر) انك نفسك في أي واحدة دنماركية تنام معاها

هو ده اللي عمله فينا دعاة الفضائيات
لان الدين موجود
لكن البنزين لا


في حين بقي ودي ملاحظة اخري
ان الناس اللي مش بتتفرج علي الدعاة دول هم الناس اللي فعلا عايشة في اتساق مع نفسها حتي لو اختلفنا مع (نفسها) دي
وحتي لو مش سعداء بالدرجة الكافية لكن مفيش عندهم نفاق من الكبير
وهتلاقيهم حتي لو بيرتكبوا اخطاء بتبقي لحظات ضعف وبيكونوا عارفين وصرحاء مع نفسهم ومش ينافقوا ويقولوا لاااااا ده عيب وده حرام


يالا .... كفاية كده انا اتخنقت

عذاب الحب و الأحباب !!!!

البوست ده منقول من مدونة بنت بلد

بس الكلام عجبني اوي

بجد برافو ..........

http://bintbalad.blogspot.com/2008/01/blog-post.html

نص الكلام المنقول

ان تحب شعور يجعل للحياة معنى اخرتجدهاوقد اصبحت.. اجمل، ارق، اسهل، اكثر حيوية، وربما يكون حظك جيدا فتنتقل الى حياة اخرى اشبه بالجنة يشعر فيها محبوبك بما تكنه له من مشاعر فيبادلك نفس المشاعر ويظل كل منكما في سباق الحب الذي لا ينتهي ..اما اذا كنت من اصحاب القلوب المعذبة التي تحب من طرف واحد او تحب اكثر من اللزوم دون ان يشعر بها الطرف الاخر او حتى يحاول ان يبادلها القليل من المشاعر فانت حتما من المعذبين في الارض واي عذاب هو عذاب الحب..تجد نفسك بين خيارين كلاهما اصعب من الاخر فالخيار الاول ان تتحمل محبوبك كما هو وتعاني وحدك، تشعر انك تعيش في جزيرة معزولة لايشعر بك اي من سكان الجزر المجاورة وما اقسى عذابك لو كان كل من سكانها مع حبيبه..انا الثاني فهو ان تختار الفراق وتعيش وحدك ايضا ولكن هذه المرة تحرم من رؤية محبوبك ولو حتى لمجرد الاستئناس به واستحضار صورته..فايهما تختار..انا شخصيا لا اعرف ، ولكني اشعر مثلك بالحيرة ولا اجيد اتخاذ القرارات ؟

نهاية النص المنقول

لماذا لا تشعر الناس بالتقدم في بر المحروسة ؟؟؟؟

تشير كل المؤشرات الاقتصادية المحايدة الي وصول مصر لمعدل نمو حوالي 7 % وهو معدل عظيم بكل المؤشرات الاقتصادية وخصوصا في ظل التزام الحكومة بالحفاظ عليه ورؤية واضحة لعدم التراجع عن هذا المعدل أي ما كانت التضحيات وجدير بالذكر للمرة المليون ان الدول التي وصلت لان تصبح من النمور سواء اسيوية او اوروبية (شرقية) حافظت علي هذا المعدل لفترات لا تقل عن 15عاما متواصلة لتدخل في زمرة الدول المتقدمة

ولكن يبقي سؤال هام وحيوي واساسي

أين المواطن المصري من كل هذا ؟؟؟

ولماذا لا تشعر الناس في الشارع بهذا التقدم ؟؟؟

حيرني هذا الامر كثيرا حتي جاءت الارتفاعات الاخيرة في الاسعار فرغم ان الارتفاعات مبررة اقتصاديا ولها هدف واضح الا انها لم تعلن بشكل سياسي صحيح واصبح لسان حال المواطنين خدوا علاوة الرئيس واعيدوا الاسعار وبغض النظر ان كثير مما رأيتهم يتحدثون هم ليسوا من محدودي الدخل علي الاطلاق الا ان هذا ليس بيت القصيدان القضية باختصار ان سوق العمل المصري اصبح مفتوح بما يتطلب مهارات خاصة وتلك المهارات غائبة عن منظومة التعليم المصري وبالتالي فسوق العمل في مصر يتغير ويحتاج الي نوعية مختلفة من العمالة ذات المهارات "العالمية" وتقرير التنافسية الصادر اخيرا علي هامش منتدي دافوس يوضح ما اقوله فمصر نمر اقتصادي وليد ولكنها في ذيل قائمة الدول صاحبة العمالة الماهرة وعلي هذا الاساس ايضا سيكون اصحاب المهارات هم اغنياء المستقبل ايضا انا لا انكر وجود فساد ضارب في جذور الثقافة المصرية وكذلك البيروقراطية العتيدة ولا انكر ان هناك اهدار للموراد وسوء ادراة من الحكومة بل وغياب للديمقراطية كقضية كبري الا انها قضايا علي أهميتها تأتي بعد التحديات التي يفرضها السوق والتي تقوم القاعدة الاولي فيه علي التنافس فمن مستعد لدخول السوق والمنافسة والابداع ؟؟؟؟اعتقد ان كثيرين مازلوا يبحثوا عن الحكومة !!!!!اما لتوفر لهم ما لا يستطيعوا او لالقاء اللوم عليها .....او الاثنين معا

تحياتي

حديث هاتفي مع مكيافيللي

مكيافيللي يتحدث عن مصر

رن جرس التليفون في الخامسة فجرا ...فقمت مفزوعا ....من يا تري ؟؟؟ وجدت علي شاشة الموبايل مكتوب مكيافيللي حدثت نفسي اني اكيد بحلم ....لكني وجدت الحاح من المتصل أجبت علي المتصل فأذ بي اجد صوت رجل لا يعرفه يقول لي انا علمتكم كده برضه ؟؟؟؟؟بدأت افوق شوية من النوم وبقوله مين حضرتك ؟؟؟قالي مش اسمي ظهر عندك ؟؟؟ قولتله اه بس اعذرني انا نايم ومش مركز اوي قالي انا مكيافيللي تصورت لأول وهلة انه صديق بيغلس قولتله خير يا عم مش وقته يعني قول عايز ايه وقصر قالي جتكم خيبة ؟؟؟؟ انا علمتكم كده ؟؟؟؟؟

اتعدلت في السرير لما شوف مين الظريف ده قولتله وحضرتك علمتنا ايه قالي انا قولتلكم ان الحاكم لما يدي الشعب حاجة كويسة يبقي بالقطارة ونقطة نقطة ولما يرتكب فظائع تبقي مرة واحدة وعلي بعضها لان الشعوب بتنسي انتوا بقي بتعملوا العكس ....... انتوا اغبياء ابقي ابعت نسخة من كتابي لاعضاء الحكومة والحزب بتاعها سرحت شوية كلامه منطقي سألني انا اتصلت بيك اسألك هو ليه مش زود الاسعار الاول وبعدين هو اعطي العلاوة ويبقي ظهر في صورة اكثر حرصا علي مصالح الناس ؟؟؟قولتله معرفش قالي والراجل التاني رئيس الوزراء سالته في لهفة بعدما طار النوم من عيني مااااله ؟؟؟؟؟

قالي ده بقي اللي طلعني من تربتي وهدومي وخلاني اكلمك

انا : ليه يا عمل ايه ؟؟؟؟

رد : يا ابني ايه الكلام اللي بيقوله ده ؟؟؟

بيقول الحكومة بتاخد من الاغنياء علشان تدي الفقراء ؟؟؟!!!!!!! هو اساسا اي حكومة في الدنيا موجودة غير لخدمة الاغنياء قبل الفقراء قولتله بس ده يعني كلام للناس علشان الفقراء ومحدودي الدخل يبقوا اهدأ قالي انتوا مش عندكم في الدين حاجة اسمها الزكاة ....... هو بيلمها ؟؟؟؟؟

قولتله لا الزكاة دي من الناس والي الناس وربنا اللي بيحاسب عليها هو بياخد ضرائب بس

قالي ضرائب من الاغنياء ؟؟؟ قولتله اه قالي و الزكاة بتتخصم من الضرائب ....

قولتله يا عم لا دي حاجة ودي حاجة ؟؟؟؟؟

قالي يعني هو بياخد ضرائب ولا زكاة ؟؟؟؟ انا : ضرائب مكيافيللي : ليه ؟؟؟ا

نا : زي اي حكومة في الدنيا ...علشان الخدمات والمرافق

مكيافيللي : والخدمات والحاجات دي مش لكل الناس ؟؟؟

انا: أكيد مكيافيللي : يبقي مال اهله هو ومال الاغنياء ؟؟؟

انا : علشان هما اللي معاهم فلوس

مكيافيللي : الافكار اللي انا حطتها حتي لما طوروها الناس اللي بعدي تعني شئ واحد ان الحكومة مش تاخد من الاغنياء ولا تدي للفقراء لكن المفروض الحكومة في النظام اللي بتقولوا عليه ديمقراطي يكون مهمتها المساواة بين الناس امام القانون وتضمن تكافؤ الفرص للجميع يعني تخلي اللي عايز يبقي غني غني وتخلي الغني يفضل غني لان لما يبقي في منافسة في السوق هتخلي الكل في وضع احسن بس تخلي الكل يبدأ من عند نقطة واحدة

انا : يا عم انت بتقول كلام كبير ..... انت عايز ايه من الاخر؟؟؟

قالي : عايز اقولكم يلعن ابو اللي علمكم السياسة انا متبري منكم

وقفل السكة في وشي